শূন্যতাৰ সিপাৰে তথাগত খণ্ড -২৬
অহা যোৱা কৰিব পৰা বাটটোৰ একেবাৰে মাজতে গছজোপা। প্ৰকাণ্ড গা গছেৰে নদীখনৰ ফালে হাউলি গৈছে।গেটৰ মুখত 'সতী ৰাধিকা উদ্যান বা ৰিভাৰ ফ্ৰণ্ট পাৰ্ক' বুলি লিখা আছে যদিও এইখনক পাৰ্ক বুলি ক'বলৈ বৰুণৰ মন নাযায়। ' উদ্যান' শব্দটো বেছিকৈ খাপ খায়- প্ৰথমদিনাই পূৰ্বাই কৈছিল। আচলতে তাই এনেকৈ কোৱাৰ পিছতহে বৰুণে বেছিকৈ পাৰ্ক আৰু উদ্যানৰ কথাটো ভাবিছিল। 'মোৰ কাৰণে এই ঠাইখিনি' A place of magical peace!'
হাঁহি উঠি গ'ল তাৰ।
Magical peace থকা ঠাইখনলৈ সি তাৰ প্ৰাক্তন প্ৰেয়সীক লগ পাবলৈ আহিছে, প্ৰচণ্ড অশান্ত আৰু অস্থিৰ হৈ।